心靈小棧正式啟用之時，有粉絲想我講下最近熱爆全城的桃色娛樂新聞主人翁的八字。
原來男主角屬戊土，這五行好大機會遇上一段老少配的婚姻，伴侶一般較自己年長又或比自己年少，有一定的年齡差距，而通常幾靚。點解呢？因為戊癸合，癸水一般秀氣，溫柔似水。
同時，戊癸合的情侶有個特點，重情調，卻易翻面無情，這是因為在玄學上又稱之為無情之合，所以對一夜情接受程度幾大。
男主角屬羊，今年正正是桃花年，同時天干戊土生庚金，行食神運，夫妻家宅宮子辰暗合水。水係男主角的財，又等於女人。再睇睇佢究竟會遇上多少女人呢？每合得一個，地支藏干 (最底一行) 就係唔見光的咯~ 你又數到幾多個呢？
月柱庚午本身都係坐桃花，月柱一般可以解釋番係佢工作附近多桃花，有桃花有聽眾，係娛樂圈要有嘅元素。然而，月生日干，不喜逢財，會對工作會有損傷。男主角本身午火燒戊土，加埋大運個丙火，燶咗，流年水旺以為可以調侯，點知佢戊癸又合火，蒸乾埋D水~ MOLAMOLA~
舊年沖夫妻宮，所以同老婆散咗係有好大機會，同時夫妻宮坐紅艷星同魁罡星，真係想婚姻如意都難，前者係拍拖星，紅艷桃花，全名紅艷桃花煞，有此星命主浪漫，易一見鍾情，女人緣勁。
後者帶寡宿磁場。
建議男主角多穿metallic 同白色，以洩土氣，土太多又火旺，晚年好易cancer，所以一生應以養生為己任。
。
